NJOFTIM

Konkursi Nderkombetar MATH-KANGAROO 2025

zhvillohet me 12 Prill 2025, ora 10.00

 Të dashur nxënës/prindër 

Konkursi ndërkombëtar Math "Kangaroo" 2025, i cili zhvillohet në afërsisht 100 shtetet anëtare të KSF (Kangaroo Sans Frontiers), është një ngjarje masive për testimin e njohuri matematike të nxënësve për problemet e jetës së përditshme. Qëllimi është t’u paraqesim nxënësve nga klasa e 1-rë deri në të 12-të një konkurs të bukur dhe tërheqës, që t’i frymëzojë ata për tu zhvilluar në drejtimin e matematikës.

Këtë vit Bordi i Kangur Shqipërisë njofton se ka filluar fushata për regjistrimin e nxënësve që duan të marrin pjesë në këtë Konkurs. Ky Konkurs do të zhvillohet më datë 12 Prill 2025 në auditor (por edhe online).

 

Për nxënësit që duan ta zhvillojnë Konkursin në auditor (shkollë) Bordi "Kangaroo 2025" ju lutet të kontaktoni përgjegjësit/koordinatorët në shkollat/qytetin tuaj.

Për tu regjistruar në sistemin tonë të zhvillimit të Konkursit në auditor në FSHN (Fakultetin e Shkencave te Natyres) ose online, ju lutemi të ndiqni me kujdes hapat, në linkun 

https://docs.google.com/forms/d/e/1FAIpQLScuED0LTIMsxwtOO5yrxqVhumappi7DMbPDTEMLEQDwYHUpCA/viewform 

 Për informacion më të shpejtë dhe të përditësuar, ju lutemi, na ndiqni në facebook Kangur Shqiperi

Regjistrimet për konkursin "Math Kangur Shqipëri 2025" përfundojnë më datë 10 Prill 2025.

 

Ju mirëpresim në konkursin “Kangur Shqipëri 2025”!

 

Për informacione të mëtejshme mund të na kontaktoni me anë të email [email protected] 

Për tu rregjistruar në sistem për zhvillimin e Konkursit online, ju lutemi, ndiqni hapat që paraqiten në formë.

SUKSESE!

 

NJOFTIM mbi pagesen e regjistrimit

Pagesa e regjistrimit të çdo pjesëmarrësi është 1000 Lekë dhe kryhet në Numrin e Llogarisë së “Shoqatës Shqiptare të Matematikës” si më poshtë:

OTP BANK (ish SOCIETE GENERALE ALBANIA)

Shoqata Shqiptare e Matematikës

ALL - AL7 090 211 388 4111 230 210 601 156

Kujdes: Përshkrimi i arsyes së pagesë duhet të jetë: Shoqata Shqiptare e Matematikës dhe jo Konkursi Kangur 2025.

Suksese!

Bordi : Kangur Shqiperi, 20 Shkurt 2025

 

QENDRAT e Konkursit në auditor për vitin 2025 janë:

Qyteti	Qendra	Informacioni
BERAT	22 TETORI	Valentina Sinaj  [email protected]   Cel: 0699446623
DIBRA	Qendra Didaktike IVAN	Aida Trupja (Murrja) Cel: 0675197310
DURRES	IBRAHIM KODRA	Anxhela Xholi  [email protected]  Nr. Cel:  0692121073
	Mihal Ekonomi	Melina Hysko   [email protected]  Cel:  0698239201
	Rilindja	Irena Albrahimii  Cel:  0676355223
ELBASAN	UNIVERSITETI I ELBASANIT	Bederiana Shyti  [email protected]   Cel: 0697697442
	Maarif Schools of Albania	Julia Ormena  [email protected]  Cel: 0675335040
FIER	NUMANI	Suzana RAMA  [email protected]  Cel:  0692073705
	Flatrat e dijes	Kernar SULAJ [email protected] Cel: 069 696 6876
	Arkea	Ermelinda Ajazi  [email protected]  Cel:  0685417242/0694741201
GJIROKASTER	Fryme Dashurie	Anxhela Semanjaku  [email protected]  Nr. Cel: 0692166028
KORCE	Universiteti i Korces "Fan Noli"	Ida Bode  [email protected]   Nr. Cel: 0693175306
Lezhe	Lezha Academic Center	Klementina Shahini  [email protected]  Cel: 0692065940
POGRADEC	NEHEMIAH	Sindi Mekolli  [email protected]  Cel: 0696042101
SARANDE	Fryme Dashurie	Thomas Dallas  Nr- Cel: 0692052879
SHKODER	Lider Academy Siper BKT, Kati 3, Sheshi 2 Prilli, Shkoder	Ermira Omari [email protected] Nr. Cel: 0682015182
	Maarif Shkoder Campus	Amra Mlloja  [email protected]  Cel:  +355674612400  Whats App: +905459012911
TIRANE	Qendra FSHN	Vera Hoxha/ Elisabeta Peti  [email protected]
	Albanet	Eva Mane  [email protected]  Cel: 0692590884
	KRISTAQ RAMA	Arbana Haxhi  [email protected]  Cel: 069 671 6631
	Faik Konica	Valentina Sinaj  [email protected]  Cel: 0699446623
	New York Basic Education	Matilda Mucodema   [email protected] Cel:  069 392 8528
	New York High School	Suela   [email protected]  Cel: 0675655318
	Rreze Drite	Valentina Sinaj  [email protected]  Cel: 0699446623
	Vatra e Dijes	Valentina Sinaj  [email protected]  Cel: 0699446623
	Virtus	Erina Gjika Cel: 0697018629
VLORE	Shkolla Internacional	Elsona Mjekra  [email protected]  Cel: 0698914352

 

 

 

 

 

 

 

 

ORGANIZIMI I KONKURSIT NDERKOMBETAR KANGUR NE SHQIPERI

 

1. Historia e konkursit “Kangaroo”
2. Organizimi dhe vendet pjesëmarrëse
3. Statistika të KSF
4. Organizimi në Shqipëri

 

1. HISTORIA E KONKURSIT “KANGAROO”

Në fillim të viteve 80, Peter O'Halloran, një mësues i matematikës në Sidney, krijoi një lloj të ri konkursi të matematikës në shkollat Australiane: një pyetësor me shumë zgjedhje, alternativa, që mund të korrigjoheshin dhe të vlerësoheshin nga kompjuteri, dhe mijëra nxënës mund të merrnin pjesë në të në të njëjtën kohë.
Ky konkurs i ri pati sukses të jashtëzakonshëm në sistemin arsimor dhe në garat e matematikës në Australi. Në vitin 1991, në Paris, Francë, dy mësues të matematikës (André Deledicq dhe Jean Pierre Boudine) vendosën që të fillojnë të njëjtin konkurs matematike për shkollat e mesme me emrin "Kangaroo" për nder të kolegut të tyre australian.

Suksesi ishte i menjëhershëm edhe në Francë si edhe në Australi. Në edicionin e parë, morën pjesë 120 000 nxënës në variantin junior. Pas dy vjetësh numri i nxënësve arriti në 300 000. Modeli i ri i konkursit të matematikës filloi të ndiqej edhe në vendet e tjera evropiane krahas konkurseve dhe olimpiadave te tjera tradicionale.
Deri më sot janë të paktën 90 shtete në botë që e zhvillojnë këtë konkurs. Konkursi i “Kangaroo” zhvillohet nga nxënës të shkollave 9- vjeçare si edhe të mesme mbi të njëjtat materiale matematike që hartohen nga komisionet e shoqatës “KSF- Kangaroo Sans Frontieres”. Konkursi i Matematikës “Kangur” është konkursi më i madh i nxënësve në botë (jo vetëm për matematikën). Në edicionet e fundit pjesëmarrja e përgjithshme është mbi 6 miljonë nxënës në të gjithë botën.

 

1.1 Qëllimi i konkursit Kangaroo

Kangaroo është një konkurs që ka për qëllim të njohë nxënësit dhe mësuesit me problemet dhe ushtrimet e matematikës të programit shkollor në një mënyrë të këndshme, tërheqëse, pa ankthin e suksesit të domosdoshëm dhe konkurimit.

Testet e Kangaroo janë më të lehta se testet e tjera tradicionale si Olimpiadat e Matematikës dhe është konkursi më popullor që zhvillohet sot në botë dhe që ka karakter masiv. Shkollat e ciklit parauniversitar dhe mësuesit e tyre e përdorin konkursin si një mënyrë të këndshme dhe informative për të njohur nivelin e nxënësve të tyre, për të dalluar se ku mund të kenë probleme dhe mangësi në dijet e tyre.

Rezultatet kanë qenë dhe do të jenë vazhdimisht edhe në dispozicion të drejtuesve të shkollave për të bërë analizat e nevojshme dhe për të nxjerrë rezultatet e duhura. 

Duke qenë një konkurs ndërkombëtar, me të njejtin test, ne do të krahasohemi me nivelin e vendeve të tjera. Gjithashtu do të vlerësohen disiplinat ku kanë më shumë sukses apo dobësi, si gjeometria, algjebra, teoria e numrave, etj. 

Konkursi do të gjallërojë interesin për matematikën si tek nxënësit, ashtu dhe tek mësuesit, do t’i nxisë ata që të punojnë më shumë në përgatitjen për konkurset dhe olimpiadat e matematikës.

Konkursi krijon një parapërgatitje për teste zyrtare që kanë rëndësi të madhe për nxënësit si SAT, ACT, etj, duke qenë se ka shumë ngjashmëri në zhvillimin e tyre (me alternativa) si dhe në materialet që trajtohen.

 

2. ORGANIZIMI DHE VENDET PJESEMARRES

BORDI I KANGOUROU SANS FRONTIERES - KSF

President: Meike Akveld, Zvicër

Secretary: Alexander Unger, Gjermani
Vice-presidents: Luis Caceres, Porto Riko

Members: Elio MEGA (Brazil), Maria Omelanczuk (SHBA), Angelo Lissoni (Itali), Bart Windels (Belgjikë)

Honorary President: André DELEDICQ, KSF Paris (Francë)
Treasurer:  Robert Geretschläger (Austri)

Vëndet pjesëmarrëse

4. ORGANIZIMI I KANGAROO NE SHQIPERI

Për herë të parë, në vitin 2015, është miratuar nga institucioni ndërkombëtar International Association «Kangourou sans Frontières», KSF, kërkesa e Shoqatës Shqiptare të Matematikës (SHSHM – AMA), për të qenë Përfaqësuesi Eksklusiv i këtij Konkursi për Shqipërinë. Kështu, nga mars 2016 deri në mars 2019 janë zhvilluar me sukses katër edicione të këtij konkursi në të cilën kanë marrë pjesë nga 2000 deri 6700 nxënës nga klasa e 1-rë e deri në klasën e 12-të dhe disa qindra mësues nga pothuajse e gjithë Shqipëria.
Shoqata Shqiptare e Matematikës është tashmë anëtare me të drejta të plota e institucionit ndërkombëtar, International Association «Kangourou sans Frontières», që zhvillon dhe inicion këtë konkurs.